Janë mbyllur pjesët e para të dy sfidave të Kategorisë Superiore, Teuta-Laçi dhe Vllaznia-Erzeni.
Nuk ka pasur gola në Durrës, teksa skuadrat i janë drejtuar dhomave të zhveshjes me rezultatin e bardhë 0-0.
Rasti parë i rrezikshëm erdhi në minutën e 23-të nga ana e miqve. Ujka kroson drejt zonës për Guindon, ky i fundit nuk arrin të godasë.
Në minutën e 32-të, sërish Ukja gjuan nga goditja e dënimit, por topi shkon shumë pranë shtyllës.
Ndërkohë, Teuta kundërpërgjigjet me Kallakun vetëm 2 minuta më pas i cili provon me të majtën, por goditja e tij ndalet nga Turkaj.
Ndërkohë në Shkodër, Vllaznia e ka mbyllur në avantazh 1-0 ndaj Erzenit. Goli i epërsisë u realizua në minutën e 42-të.
Kryevepër e Markut i cili merr topin dhe nga jashtë zonës lëshon një predhë të pakapshme për Xhikën.
