Kreu i Partisë së Lirisë, Ilir Meta ka marrë pjesë në prezantimin e Igli Carës si kandidati i koalicionit opozitar “Bashkë Fitojmë” në zgjedhjet lokale të 14 majit, për bashkinë e Durrësit.
Sipas Metës, ish-deputeti demokrat është një figurë që do të hapë një kapitull të ri për menaxhimin e qytetit bregdetar, duke larguar bandën e Ramës që plaçkit bashkinë.
“Kur thërritët Ilgi, mendova ndryshim. Ndryshim për të shpëtuar Durrësin nga një bandë që e plaçkit Durrësin për një bandë më të madhe në Tiranë, që është ajo e Ramës dhe inceneratorëve”, u shpreh Meta.
Ai u ndal te afera e inceneratorëve dhe milionat që bashkia e Durrësit paguan çdo muaj për djegur mbetjet në inceneratorin e Tiranës, në të cilin prej kohësh bëhet vetëm seleksionim e riciklim.
“Mjaftojnë 10 mln euro që me një firmë kjo bandë ja kalon nga bashkia e Durrësit për të paguar inceneratorët e Tiranës, është e qartë dhe e kuptueshme për çdo qytetarët durrsak se do ishin zgjidhur shumë halle në këtë qytet”, shtoi Meta.
Më tej, kreu i PL nënvizoi se durraskët duhet t’i besojnë drejtimin djalit të këtij qyteti, i cili do të kthejë transparencën e llogaridhënien në vend.
“Secili nga ju është nga sot deri më 14 maj, është vetë Ilgi, sepse ai ju përfaqëson, është rritur këtu, vjen nga vota juaj e lirë dhe transparente, nga procesi më demokratik si ai i primareve, gëzon mbështetjen e të gjithëve, të të gjithë qytetarëve që u dhimbset kjo që ka ndodhur me qytetin e tyre, një pjesë e kanë humbur nga babëzia e betonit
Shpëtimtari është Igli Cara dhe të gjithë ju, është politikan model dhe i vetmi deputeti i Durrësit në 2006 nga babëzia e lejeve të ndërtimit një tërmet mund të sillte viktima dhe tërmeti ndodhi, ata njerëz humbën jetën nga babëzia e bandës së Rilindjes.
Durrësit do i kthehet qytetaria, më 14 maj do votojë për triumfin e qytetarisë, që vendimet e Këshillit të Bashkisë së të merren në transparencë të plotë.
Është modeli më i shkëlqyer i llogaridhënies për çdo taksë që paguhet që duhet ti kthehet komunitetit.
Të bashkuar deri më 14 maj derë më derë në çdo lagje për ti thënë po ndryshimit, duke votuar Ilgi Carën.
Më 14 maj do jemi këtu kur të hapen kutitë e votimit dhe do jemi shumë më tepër, Fitore për Ilgi Carën dhe për Durrësin”, u shpreh Meta.
