Vendi i katërt mbetet mirazh për Juventusin. Atëherë kur u mendua se “Zonja e Vjetër” do i afrohej akoma më shumë zonës Champions League, djemtë e Allegrit mposhtën 2-1 në Olimpico nga Lazio.
Një super-krosim i Zaccagnit gjeti Milinkovic-Savic, mesfushori serb u tregua i saktë para portës, duke mposhtur Szczezny. Gjatë zhvillimit të një këndorje, bardhezinjtë gjejnë barazimin me Rabiot, me francezin që shfrytëzon në maksimum një rrëmujë në zonë.
Nëse te goli i parë ishte në rolin e kamarierit, këtë herë vetë Zaccagni bëri golashënuesin, duke “tund rrjetën” sapo filloi pjesa e dytë. Elsi Hysaj ishte titullar në këtë takim, mbrojtësi shqiptar dha një kontribut të rëndësishëm.
Djemtë e Sarrit konsolidojnë vendin e dytë me 58 pikë. Juventus është në vendin e shtatë me 44 pikë.
