Tomori i është kthyer përsëri fitoreve në Kategorinë e Parë, duke marrë një sukses të vlefshëm në transfertën përballë Besëlidhjes që tashmë është thuajse edhe matematikisht e rënë në Kategorinë e Dytë.
Skuadra beratase ka fituar me një gol të Eminit në pjesën e dytë të ndeshjes, dukë marrë tri pikë të arta që konsolidojnë shumë pozitat e saj në grupin e ekipeve që do të luajnë në play-off për ngjitjen në Superiore.
Ndërsa Besëlidhja, në një sezon shumë larg pritshmërisë, tani pret vetëm verdiktin e matematikës për rënien që duket e pashmangshme.
