Manchester City ka marrë fitoren e radhës në kampionat. Të besuarit e Guardiolës mundën 1-4 Southampton në transfertë. Pjesa e parë do përfundonte në mënyrën më të mirë të mundshme, De Bruyne dha një asist për Haaland, i cili nuk fali.
Në St Mary Stadium, Kevin De Bruyne theu rekord. Mesfushori belg arriti kuotën e 100 assistëve, duke u bërë kështu lojtari i pestë në Premier League që ka arritur të japë 100 herë pasin e fundit (162 –Giggs/ 111 – Fabregas / 103 – Rooney / 102 – Lampard).
Goli i sigurisë erdhi nga Grealish, në të 58-tën. Norvegjezi Haaland do realizonte një gol për kornizë pak më vonë, duke ccuar në këmbë gjithë stadiumin. Kordinim perfekt, lëvizje spektakolare, topi ishte i pamundur për t’u kapur nga Bazunu.
Ekipi i Selles do ngushtonte shifrat me Mara (72’), por miqtë do thellonin avantazhin me Alvarez, pas një ekzekutimi të saktë të një penalltie.
City renditet në vendin e dytë me 67 pikë, 5 më pak se Arsenali kryesues. Skuadra nga Southampton mbyll klasifikimin me 23 pikë.
