Kryeministri Edi Rama foli sot për mediat pas mbledhjes së Këshillit të Ministrave duke shkelur me të dyja këmbët Kodin Zgjedhor, teksa hapi “thesin” e premtimeve elektorale për rritje pagash në thuajse çdo sektor, kur na ndajnë më pak se 40 ditë nga zgjedhjet e 14 Majit.
Premtimin për rritje pagash, Rama e nisi me Presidentin e Republikës, Bajram Begaj, të cilit sipas vendimit të marrë në mbledhjen e kësaj të premte, paga do t’i shtohet me 170 mijë lekë më shumë në muaj.
Vendimi i qeverisë bën që rroga e Kreut të Shtetit të shkojë në 425 mijë lekë, nga 255 mijë lek që ishte, pra një rritje me 60%.
