Pas fitimit të Serisë A nga Milani në sezonin e kaluar , në të cilin Brahim Diaz ishte një ndër protagonistët , edhe aktuali po vijon me të njëjtin ritëm .
Traineri i kuqezinvje Stefano Pioli e konsideron pjesë të së ardhmes spanjollin , i cili në të kaluarën nuk gjeti vend tek Real Madridi.
Kartoni i sulmuesit i përket kryeqytetasve dhe drejtuesit e kampionëve në fuqi të Scudettos janë të gatshëm të negociojnë me ‘’ Galaktikët ‘’ , operacion për të cilin sipas ‘ Calciomercatos ‘ , skuadra nga Milano do të ofrojë rreth 40 milionë euro.
Huazimi i Brahim Diazit tek ‘’ Djalli ‘’ do të përfundojë në datën 30 qershor por paraqitjet e bëra ia kanë përforcuar bindjet numrit një të pankinës se duhet me patjetër të jetë pjesë e Milanit për vazhdimësinë.
Deri më tani golashënuesi nga Malaga e ka gjetur rrugën e rrjetës në 6 raste , ka kontribuar me 4 asiste në 32 sfida dhe sigurisht ka rezultuar determiant në çdo ndeshje me shtatë herë fituesit e Champions League.
Humbja e menjëhershme e terrenit në Serinë A ka shkaktuar një lloj pakënaqësie tek kjo skuadër, e cila pritet të rikthehet edhe më e fortë në sezonin vijues duke qenë se ka mbi supe eksperiencën e madhe , si në Itali ashtu edhe në turneun më prestigjoz europian për klube.
