Një sherr që ka degjeneruar në përdorimin e thikave mes të rinjve është regjistruar mesditën e sotme në qytetin e Shkodrës.
Protagonisti i sherrit me thika që la dy persona të plagosur dhe një tjetër me plagë të rënda në spital, është 18-vjeçari, Aldo Hasani, ndërsa janë identifikuar dhe adoleshentët e tjerë të përfshirë në konflikt.
3 adoleshentët e tjerë janë identifikuar si, Xhejson Plepi 17 vjeç, Ersid Tula 16 vjeç dhe Kledis Hoxha 16 vjeç të cilët po marrin mjekim në spital.
Një prej të plagosurve është në gjendje të rëndë dhe është futur me urgjencë në sallën e operacionit.
Kujtojmë se sherri mes të rinjve nisi rreth orës 12:30 në një lokal në lagjen “Qemal Stafa” në Shkodër. Ndërsa shkak për ngjarjen raportohet të jetë bërë një “ngacmim vazjash”.
Nuk dihet ende cili nga adoleshentët, ka ‘ngacmuar’ me fjalë të dashurën e autorit të ngjarjes, 18-vjeçarin Aldo Hasani, ndërsa ky i fundit është shpallur në kërkim nga policia.
