Një ngjarje e rëndë ka ndodhur në Greqi, ku një burrë ka dhunuar prindërit e tij të moshuar.
Në mediat e huaja po qarkullon dhe videoja e dhunimit, teksa raportohet se abuzimi ndodh për shkak të diferencave financiare mes 50-vjeçarit dhe prindërve të tij.
“Kjo situatë ka rreth 10 vite . Djali dhe nusja shkojnë në banesën e babait të tyre dhe me qëllime të ndryshme duke i kërcënuar fillojnë t’i rrahin, thyejnë dhe shkatërrojnë shtëpinë duke kërkuar para. Dje edhe nusja ka ardhur e vetme, i ka rrahur, i ka goditur aq sa kanë shkuar në spital”, ka treguar një i afërm i të moshuarve.
Videoja është realizuar nga bashkëshortja e 50-vjeçarit. Një grua nga Ukraina që akuzon çiftin e të moshuarve se nuk e kanë ndihmuar financiarisht familjen.
“Ulu dhe mos fol! Po të mos isha këtu, do ta kishe ngrënë që në mëngjes”, dëgjohet duke i thënë 50-vjeçari nënës së tij.
Familjarët tregojnë se kjo ka ndodhur 10 vitet e fundit, por shteti nuk ka bërë asgjë për të ndihmuar dy të moshuarit. Madje, ata theksojnë se kanë ngritur padi, ndërkohë që kanë shkuar tre herë në Prokurori.
“Kjo është dhunë nga djali i çiftit. Ata kanë një djalë tjetër. Ky djalë nuk ka punuar kurrë dhe ka 10 vjet që kërkon para nga babai i tij. Burri jeton me një pension dhe djali dhe nusja e tyre kanë gjetur shumë mënyra për t’i detyruar t’i japin pensionin. Ajo që të gjithë kemi frikë është më e keqja që mund të ndodh. Ata kanë gjetur një mënyrë dhe hyjnë çdo ditë në shtëpi, të cilën e kanë dëmtuar dhe shkatërruar”, shtoi një i afërm.
