Ka ndërruar jetë në spital një 46-vjeçar, i cili u konfliktua me një të ri në në kryeqytet, më datë 31 mars.
Viktima Gentian Talja, pas një konflikti u qëllua me sende të forta nga 25-vjeçari Henri Gjapi, i cili tashmë është shpallur në kërkim. Në konflikt është përfshirë edhe shtetasi Artur Gjolena.
“Specialistët për Hetimin e Krimeve të Komisariatit të Policisë Nr. 2 kanë referuar materialet në Prokurori, për shtetasin A. Gj., 41 vjeç, dhe kanë shpallur në kërkim shtetasin H. Gj., 25 vjeç, të dy banues në Tiranë. Më datë 31.03.2023, në rrugën “Vaso Pasha”, shtetasi H. Gj. është konfliktuar me shtetasin G. T., 46 vjeç, i cili për shkak të dëmtimeve është dërguar në spital, për ndihmë mjekësore. Gjatë këtij konflikti, ka ndërhyrë edhe shtetasi A. Gj., i cili ka goditur shtetasin H. Gj. Si pasojë e dëmtimeve, 46-vjeçari ka ndërruar jetë në spital, ditën e djeshme. ”, thuhet në njoftimin e policisë.
Po vijon puna për kapjen e 25-vjeçarit, ndërkohë që materialet janë dorëzuar në prokurorinë e Tiranës për veprime të mëtejshme.
