Vendi ynë në pjesën më të madhe të tij pritet të jetë në dominimin e vranësirave të shpeshta.
Por gjatë orëve të parë të ditës do të ketë dhe intervale të shkurtra me kthjellime, ku më të dukshme do të jenë në zonat Veriperëndimore.
Sakaq në zonat malore kanë nisur edhe reshjet e dëborës, ashtu siç ishte paralajmëruar nga sinoptikanët.
Në zonën e Korçës është zbardhur nga bora fshati Dardhë, me aksin rrugor që nga km 9 deri në km 13, ku është dashur ndërhyrja me borëpastruese për të bërë të mundur qarkullimin normal të mjeteve.
“Po punohet me borëpastruese dhe shpërndarjen e kripës për ta mbajtur qarkullimin në normalitet. Tregoni kujdes të shtuar gjatë drejtimit të mjetit, në kohë me reshje pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore”, thuhet në një njoftim të ARRSH mbi situatën në terren.
