Erling Haaland ka nënshkruar një kontratë të re 20 milionë funte.
Ky akord nuk është arritur me Manchester Cityn, klub në të cilin norvegjezi luan. Bëhet fjalë për një marrëveshje me Nike (për këpucët), me lajmin që tashmë është konfirmuar.
Nike mban në gjirin e vet emra të shumë personazheve të botës së sportit si Kylian Mbappé, Alexia Putellas, Cristiano Ronaldo, Ada Hegerberg, Marcus Rashford, Leah Williamson, Kevin De Bruyne, Megan Rapinoe dhe Sam Kerr
Kuptohet se kontrata zgjat më shumë se një dekadë dhe është nënshkruar në mënyrë që Haaland të mund të imitojë heroin e tij Ronaldon si “fytyra e re e numrit 9”.
Kuriozitetet rreth lojtarit janë të shumta. Superylli i Cityt, 22 vjeç, fillimisht iu bashkua Nike në moshën 14 vjeçare por kontrata e tij e fundit skadoi në janar 2022. Haaland po bën mirë te Manchester City, duke i siguruar skuadrës rezultate të rëndësishme.
