Kandidati i koalicionit “Bashkë Fitojmë” për Bashkinë e Durrësit, Igli Cara, është shprehur se nga viti 2007 e deri më sot, në çdo projekt ndërtimi në këtë qytet, betoni është hedhur nga firma në pronësi t ëish-kryebashkiakut Vangjush Dako.
Ai tha se Dako dhe kryebashkiakja aktuale, Emirjana Sako i kanë shërbyer vetëm besnikëve të tyre dhe jo qytetarëve.
Cara shtoi se Sako brenda një dite miratoi 39 vendime për përfitime direkte nga qytetarët e Durrësit, para zgjedhjeve të 14 majit, diçka që sipas tij nuk lejohet.
Pjesë nga biseda në studio:
Cara: Nga viti 2007 dhe në vazhdim në çdo projekt ndërtimi, artikulli beton është hedhur nga firma beton që është pronar familja Dako.
Rama ka bërë me ligj që të gjitha lejet të jepen me KKT 1500 deri në 1500 metra nga bregu. Pra ja ka marrë këtë kompetencë bashkisë. Ja ka marrë edhe ujesjellësin. Nëse i merr lekët që dalin nga porti, më fal… Ai e ka kthyer në një bashki të madhe. Nëse ai shkel kushtetutën me të dyja këmbët, imagjinoni çfarë ndodh me ligjet. Pak javë para zgjedhjeve Rama thotë pensionistëve do i jap 50 mijë lekë. Sako shkon edhe më tej. Brenda një dite Sako dhe Këshilli Bashkiak ka miratuar 39 vendime me përfitime direkte për qytetarët e Durrësit, si për kreditë e buta e me radhë. Arroganca që tregon Rama si në qeverisjen qëndrore, ashtu edhe në atë lokale është e rëndë. Nuk jemi një republikë bananesh. Kur njerëzit shkojnë në burg për energjinë elektrike…
Xhafo: Agron Duka ka thënë se edhe nga sondazhet e PS Igli Cara del 50-50 % dhe është fitues. Keni bërë ndonjë sondazh të brëndshëm?
Cara: Po kemi bërë edhe ne sondazhet tona dhe na nxjerrin fitues në Durrës. Kam pasur kontakte me të gjithë deputetët e Partisë Demokratike të Durrësit. Kam pasur takime me Ferdinand Xhaferrajn dhe të tjerët. Asnjë s’ka bërë ndërmjetësin, ka qenë një vendimmarrje e vetë demokratëve.
Xhafo: E keni cilësuar Dakon si anëtar të një bande që sillet ri pronar i qytetit.
Cara: Kam thënë ekzaktësisht që Bashka e Durrësit është trajtuar si një pronë. Kryetari i Bashkisë duhet të jetë shërbëtor i parë. I ka shërbyer vetëm besnikëve të tij dhe jo qytetarëve. Dakon dhe Ramën nuk e lidh asgjë me PS-në, pavarësisht se kanë veshur fanelën e saj.
