Roma ka nisur punën për rinovimet.
Mediet italiane bëjnë me dije se në listën e lojtarëve që klubi “verdhekuq” do të ketë edhe në të ardhmen në skuadër është edhe emri i mbrojtësit të kombëtares shqiptare, Marash Kumbullës.
Ndonëse shqiptari ka pasur një sezon me luhatje në performancë dhe me minutazh jo të shumtë, Roma ka vendosur që të zgjasë qëndrimin e 23-vjeçarit në “Olimpico”.
Roma do t’i propozojë Kumbullës të firmosë deri në 2027-ën dhe nga kontrata e re mbrojtësi “kuqezi” do të fitojë 1.5 milionë euro në vit.
