“Elbasani mund të rrezikojë një katastrofë ekologjike”.
Ky është konstatimi i kandidatit të koalicionit “Bashkë Fitojmë” për Bashkinë e Elbasanit, Luçiano Boçi, i cili ka denoncuar skandalin që po ndodh me depozitimin e mbetjeve në lumin Shkumbin nga ana e institucionit të drejtuar nga Gledjan Llatja.
Fakti që është rikthyer të jetë aktiv një venddepozitim mbetjesh buzë lumit, ndërkohë që pagesat për inceneratorin në remontm, opër Boçin mjaftojnë që SPAK të rihapë hetimet në lidhje me djegësin dhe të mos bëjë një sy qorr para provave evidente.
Boçi u shpreh se ndërsa kostoja e pretenduar nga bashkia e Elbasanit për djegien e një kilogrami mbetje është 25 mijë lekë, kostoja reale që paguajnë qytetarët është 52 mijë lekë, por e vërteta është se asnjë kilogram mbetje nuk digjet, pasi inceneratori është i shpallur prej një viti në remont.
“Elbasani rrezikon një katastrofë ekologjike ndërsa ky mal me plehra i ka rrëmbyer qytetarëve të Elbasanit 27 milionë euro. Dhe nuk mbaron me kaq. Qytetarët e Elbasanit, grabiten çdo ditë nga Bashkia Elbasan, kryetari i Bashkisë dhe nga ky incinerator”, tha ai.
“Një investigim i kryer së fundmi nxjerr në pah koston reale që paguajnë për ton qytetarët e Elbasanit. Kjo kosto është 52 mijë lekë. Ndërkohë Kryetari i Bashkisë dhe Këshilli Bashkiak pretendojnë dhe mashtrojnë opinionin publik me një vendim, sipas të cilit qytetarët e Elbasanit paguajnë 25 mijë lekë. Por a e dini se në fakt kosto reale është vetëm 9 mijë lekë sepse në Incenerator, nuk digjet asnjë kilogram plehra.
Pjesa tjetër e parave përdoret edhe për të blerë votat. SPAK të rihapë hetimet, ja ku i ka faktet.
Bashkia prej një viti deklaron se inceneratori është në remont, të rinisë hetimi, të vihet para përgjegjësisë zinxhiri qeveritar dhe bashkiak”, shtoi Boçi.
