Pas ndeshjes Skënderbeu-Apolonia që hapi javën e 21-të ditën e djeshme, Kategoria e Parë vazhdon me katër duele të tjera interesante ditën e sotme në orën 15:00.
Dueli që spikat është ai mes Lushnjës dhe Besës. Vendasit ndodhen në zonën e ftohtë të mbijetesës dhe kërkojnë të shpëtojnë me tre pikë, ndërsa kavajasit duan të ruajnë pozitat në zonën “playoff” për të luajtur shanset e tyre për Superiore.
Burreli pret në shtëpi Besëlidhjen, ku vendasit do të kërkojnë tre pikët ndaj vendit të fundit për t’iu bashkuar skuadrave që ndodhen në zonën “playoff”, ndërsa lezhjanët kërkojnë të arratisen nga vendi i fundit sa më shpejtë.
Po në këtë zonë ndodhet edhe Tomori, e cila do të presë Luzin. Beratasit kanë shansin të ngjiten në vendin e katërt deri të hënën, ndërsa miqtë ndodhen në krizë rezultatesh dhe duan të shpëtojnë nga mbijetesa.
Një tjetër duel për mbijetesë është dhe ai mes Tërbunit dhe Turbinës. Pukjanët kanë shansin të afrohen me zonën “playoff”, ndërsa cërrikasit duan të largohen nga vendi i parafundit.
NDESHJET:
LUSHNJA – BESA 15:00
BURRELI – BESËLIDHJA 15:00
TOMORI – LUZI 15:00
TËRBUNI – TURBINA 15:00
