Kryetari i PD-së, Sali Berisha prezantoi këtë të shtunë në Bulqizë kandidatin e koalicionit opozitar “Bashkë Fitojmë”, Dëfrim Fiku.
Në këtë takim, drejtuesi politik i PD në qarkun e Dibrës, Çlirim Gjata akuzoi qeverinë Rama, si qeveri e krimit dhe fajtor të shifrave të larta të shqiptarëve që emigrojnë. Ai u shpreh se me politikat e kryeministrit Rama, vendi është përballur me shpopullimin më të madh të ndodhur ndonjëherë.
Gjata ironizoi socalistët edhe për postimin e deputetit Toni Gogu kur e quajti Hajredin Pashën hero të Dibrës.
“Qeveri e krimit. Le të vijnë dhe të ballafaqohen. Këta kanë larguar shqiptarët. Çdo familje duhet t’i bëjnë pyetjen vetes, përse është i detyruar të largojë fëmijët jashtë vendit? Atyre i duhet dhënë vetëm një përgjigje, ikni dhe vetëm ikni. Me votë dhe ta harrojnë se do të bëjnë festë.
Kanë arritur deri aty sa edhe Hajredin Pashën e këngës e kujtojnë se kanë mik. Këta nuk ndryshojnë shumë nga ai. Ai ishte pushtues i huaj, këta janë pushtues vendas, më të këqij se ai.
Pas datës 14 do t’i bëjmë të këndojnë këngës , jo më nga fusha e Gjoricës, por nga Tirana të pyesin se ku janë malet e Dibrës”, tha Gjata.
