Një aksident me gjashtë persona të plagosur ka ndodhur këtë të Shtunë në aksin Pogradec-Qafë Thanë, ku janë përplasur tre automjete.
Një prej shtetasve në aksidentin e rëndë është nisur me helikopterin e urgjencës drejt Tiranës.
“Rreth orës 14:30, në aksin rrugor Pogradec-Qafë Thanë, në afërsi të fshatit Pojskë, janë përplasur 3 automjete, konkretisht automjeti furgon tip ‘Benz’, me automjetin tip ‘Opel’ me drejtues shtetasin A.Y. dhe automjetin tip ‘Toyota’ me drejtues shtetasin M.P.”, njoftoi policia.
- Detaje nga aksidenti
Mjeti tip “Opel” dhe mjeti tip “Toyota” kanë qenë duke udhëtuar nga Pogradeci në drejtim të Qafë Thanës. Ndërkohë që mjeti furgon “Benz” po lëvizte nga Qafë Thana në drejtim të Pogradecit.
Ka qenë mjeti tip furgon ai që ka sjellë përplasjen me dy mjetet e tjera, kjo edhe për shkak të shpejtësisë por edhe të lagështirës në rrugë, çka ka sjellë spostimin e furgonit në krahun tjetër të rrugës. Spostim ky që ka shkatuar edhe goditjen e dy mjeteve që vinin nga Pogradeci.
