Një aksident ka ndodhur mesditën e sotme në Fier, ku një automjet ka përplasur një këmbësor.
Policia bën me dije se ngjarja ka ndodhur në vendin e quajtur “Sheq i Vogël”, ku automjeti tip “Volkswagen” me drejtues shtetasin A. Gj., ka përplasur këmbësorin, shtetasin Sh. M., 69 vjeç, i cili ndodhet në spital, në kujdesin e mjekëve.
Me shtetasin A. Gj. po kryhen veprimet e mëtejshme procedurale. Grupi hetimor po punon për përcaktimin e shkaqeve të aksidentit.
