Besimtarët myslimanë janë futur në muajin e shenjtë të Ramazanit. Ata kanë nisur agjërimin, mes tyre edhe shumë futbollistë.
Por ndryshe nga Premier League dhe Bundesliga, Federata Franceze e Futbollit nuk do të lejojë ndërprerjen e shkurtër gjatë ndeshjeve të mbrëmjes.
Një gjë e tillë është miratuar në Angli dhe Gjermani, duke ua lehtësuar lojtarëve myslimanë marrjen e lëngjeve, pijeve energjike dhe konsumimin e shpejtë të ndonjë ushqimi gjatë iftarit.
“Këto ndërprerje nuk përputhen me dispozitat e FFF. Federata, si organ përgjegjës për një mision shërbimi publik të deleguar nga shteti, mbron vlerat themelore të Republikës Franceze.
Kushdo që shkel këto dispozita do t’i nënshtrohet procedimeve disiplinore dhe/ose penale”, lexohet në qëndrimin e drejtuesve të futbollit francez.
