Dy vëllezër janë shpallur në kërkim nga Policia e Vlorës, pasi kanë përplasur me makinë burrin e motrës së tyre.
Në njoftimin e policisë thuhet se ngjarja ka ndodhur mesditën e djeshme ku shtetasit M. D., 34 vjeç dhe B. D., 37 vjeç (vëllezër), për shkak të një konflikti familjar, kanë goditur me automjet kunatin e tyre A. M., 38 vjeç.
Ky i fundit ndodhet në spital jashtë rrezikut për jetën.
Njoftimi i policisë:
DVP Vlorë
Nga specialistët për Hetimin e Krimeve të Komisariatit të Policisë Vlorë u referuan materialet në Prokurori dhe u shpallën në kërkim shtetasit M. D., 34 vjeç dhe B. D., 37 vjeç (vëllezër), të dy banues në fshatin Kot, pasi dyshohet se ditën e djeshme, për shkak të një konflikti familjar, kanë goditur me automjet bashkëshortin e motrës së tyre, shtetasin A. M., 38 vjeç, banues në Vlorë, i cili aktualisht ndodhet në spitali, në kujdesin mjekësor.
