Sa kandidatë do të ketë grupi Alibeaj për zgjedhjet e 14 Majit? Përgjigjen nuk e di as kreu i KQZ-së, Ilirjan Celibashi.
Kryetari i Komisionit Qendror të Zgjedhjeve mbajti këtë të Enjte një konferencë me gazetarët. Në përgjigje të interesimit të tyre, Celibashi tha se KQZ nuk e di ende se me sa kandidatë në total ka regjistruar Alibeaj për lokalet e 14 Majit.
“Akoma nuk e kemi atë informacion, kjo pasi një pjesë e dokumentacioneve dorëzohet në KQZ, pjesa tjetër në KZAZ, besoj sot ose nesër do të kemi një informacion zyrtar pasi të kemi bërë dhe vlerësimin e dokumentacionit përkatës. Gjithsesi, disa të dhëna mund t’ ju jap, janë 24 subjekte zgjedhore që kanë depozituar listat shumëemërore në KQZ, 39 i kanë depozitar në KZQZ, na rezulton se janë 832 lista me kandidatë për anëtarë të këshillit, 147 kandidatë për kryetarë bashkie, dokumentacion i depozituar për 147 kandidatë, 7 nga zgjedhësit, 5 për këshillit bashkiak dhe 2 për kryetarë bashkie. Në total na rezultojnë 22607 kandidatë që janë në proces verifikimi. Zyrtare konsiderojmë listat që miratuam sot. Është proces voluminoz”, tha Celibashi.
Alibeaj nxori fillimisht kandidatë për 16 bashki, por deri më tani janë tërhequr të paktën 6 prej tyre.
