Një 33-vjeçar është paraqitur në komisariat dhe është arrestuar për vrasjen e hidraulikut shqiptar Pëllumb Islami në një kafene në Nea Joni, Athinë ë.
Policia bën me dije se bëhet fjalë për një të huaj që u arrestua se ka ndihmuar në vrasje.
“Në mëngjesin e sotëm, një 33-vjeçar i huaj është paraqitur në mënyrë spontane në Departamentin e Krimeve të Jetës në DAA. dhe u arrestua me urdhër të ekuipazhit për vrasjen e një 40-vjeçari shqiptar e kryer në orët e mbrëmjes të datës 21.02.2023 brenda një dyqani në Nea Joni”.
Kujtohet se një person tjetër ka rënë në prangat e Policisë për vrasjen mizore. Bëhet fjalë për një 23-vjeçar, i cili është një nga shtatë personat ndaj të cilëve ishte lëshuar urdhër-arresti.
Policia pas identifikimit të autorëve ka proceduar me lëshimin e shtatë urdhër-arresteve. Sipas informacioneve, gjashtë urdhër-arrestet ishin për anëtarët e grupit kriminal “L”, ndërsa urdhër-arresti i shtatë ishte për një person të armatosur që ishte në shoqërinë e 40-vjeçarit dhe mori pjesë në ngjarje.
Burimet bëjnë me dije se grupi prej shtatë shqiptarësh është arratisur me një xhip luksoz dhe një mjet tjetër pas të shtënave në kafenenë e rrugës Kastamonis .
Banda “e ashpër” përbëhet nga të paktën tetë anëtarë, me origjinë shqiptare, me të kaluar kriminale “të rëndë” që kontrollojnë një klub të njohur në Sepolia, shkruan Protothema.gr.
