Të shtëna me armë janë raportuar mbrëmjen e kësaj të Marte, në afërsi të bypass-it të Shkodrës.
Sipas policisë, është qëlluar në ajër nga një person i paidentifikuar.
Nuk raportohet për të lënduar.
“Rreth orës 20:05, në lagjen “Guerrile”, afër livadheve, një shtetas ende i paidentifikuar ka qëlluar me armë zjarri, në ajër. Shërbimet e Policisë kanë shkuar menjëherë në vendngjarje, kanë ngritur pika kontrolli, si dhe vijon krehja e zonës, për të bërë të mundur kapjen e autorit. Grupi hetimor vijon punën për zbardhjen e rrethanave të ngjarjes”, njoftoi policia.
