Autoritetet italiane kanë vënë pranga tre shqiptarë pasi janë kapur me 83 kg kokainë të fshehur mes bananeve në një kontejner. Tre autorët janë të moshave 23, 28 dhe 33 vjeç dhe jetonin në Piza.
Kokaina ishte e paketuar me logon e brandit luksoz, Louis Vuitton.
Mediat italiane raportojnë se shqiptarët kishin hyrë fshehurazi në zonën doganore të portit Vado Ligure. Anija mbante një ngarkesë me banane nga Ekuadori dhe si shumë dërgesa të tjera transaksionale mallrash nga zona të konsideruara si ‘të rrezikshme’ , iu nënshtrua kontrollit.
Aktualisht tre shqiptarët e arrestuar ndodhen në paraburgim, por pritet të transferohen drejt burgut Genova Marassi.
