Bledar Mneri, i dënuar nga Gjykata e Tiranës me 25 vite burgim për vrasjen e biznesmenit të ndërtimit Vasil Biba, është ekstraduar nga Franca.
“Ky shtetas ishte shpallur në kërkim ndërkombëtar nga ZQK Interpol Tirana, pasi Gjykata e Rrethit Gjyqësor Tiranë e ka dënuar me 25 vjet burgim, për veprat penale ‘Vrasja me paramendim’ dhe ‘Mbajtja pa leje dhe prodhimi i armëve shpërthyese dhe i municionit”, sepse ka vrarë me armë zjarri, shtetasin V.B., në vitin 2016, në fshatin Priskë, Tiranë. Shtetasi Bledar Mneri iu dorëzua Drejtorisë së Përgjithshme të Burgjeve, për ekzekutimin e vendimin të Gjykatës”, thuhet në një njoftim zyrtar të bluve.
Sipas hetimeve, 43-vjeçari Bledar Mneri, në vitin 2015, ka mbajtur peng biznesmenin e ndërtimit Vasil Biba, pasi i kishte dhënë 25 mijë euro për një dyqan që nuk e mori kurrë. Pasi e mbajti disa ditë peng, ai e vrau dhe trupin e groposi në Priskë të Tiranës.
Lexo edhe:
Vrau dhe groposi biznesmenin në Dajt, ja vendimi i gjykatës për autorin
