Kombëtarja shqiptare e futbollit luan sot në 20:45 me Poloninë në transfertë, sfidë e vlefshme për kualifikueset e Europianit 2024.
Dueli është programuar për t’u zhvilluar në Varshavë, me autoritetet e Federatës polake të futbollit dhe UEFA-n që kanë vendosur që dueli në “PGE Narodowy” të luhet me çati të mbyllur.
Për shkak të kushteve atmosferike dhe një defekti të zbuluar në çatinë e stadiumit para Kupës së Botës “Katar 2022”, raportohet se ky duel do luhet me çatinë e mbyllur të stadiumit.
“Çatia në Stadiumin Kombëtar në Varshavë u mbyll zyrtarisht për ndeshjen kundër Shqipërisë. Një vendim i tillë u mor pas takimit të delegatit të UEFA-s me PZPN (Federata polake). Edhe operatori i Stadiumit Kombëtar rekomandoi lojën me çatinë të mbyllur”, njofton Federata polake.
