Mentori, me profesion shofer kamioni, ka rrëfyer mes lotësh përjetimet e tij 24 orë para një operacioni të vështirë në tru.
Ai tha se ka dy masa tumorale në tru, në madhësinë e vezës, të cila i shkaktojnë humbje të ndjenjave.
“Fillimisht simptomat ishin që sa çohesha nga gjumi më vinte prapë gjumë. Më thanë ke diabet, pastaj jo mos ke probleme me zemrën. Një ditë rashë pa ndjenja, por nuk shkova asnjëherë për asnjë vizitë. Pastaj më vonë shkova te doktori i zemrës, më tha nuk ke gjë, shkova te i stomakut, nuk ke gjë më tha, shkova te i syrit dhe aty nuk më nxorën probleme dhe unë ia vendosa fajin që hoqa një dhëmballë. Neurologja në Berat më tha të bëja një rezonancë. Pasi bëra rezonancën shkova në Greqi dhe rashë pa ndjenja 20 minuta. Pastaj mora rezultatet e rezonancës, u futa për operacion nuk u realizua dhe po pres nesër. Kam vështirësi në laring, është operacion delikat se po nuk u realizua vdes. Unë e ndiej vështirësinë, kam besim të plotë të Turi te Abas Aliu. Kisha një masë tumuorale është goxha e madhe, sa dy kokrra vezë. Ajo krijon shtypjen e nervave që unë humbas ndjenjat”, tha Mentori për emisionin “Real People” në Euronews Albania.
Mentori zbuloi se që i vogël ka vuajtur nga qafa, pasi ka dy rruaza të pazhvilluara. Sipas tij kjo ka bërë që njerëzit ta bullizojnë për aspektin fizik pa ditur problemet e tij.
“Që fëmijë kam pasur shqetësime. Kam pasur shqetësime me qafën, dy unaza të pazhvilluara që i vogël. Bëra kontrollet para se të shkoja ushtar dhe atje më nxorën shqetësimet dhe më nxorën në kemp nuk shkova në ushtri. Po nuk jetohej me kemp. Emigrova, kam punuar me djersë të ballit, kam bërë një shtëpi në fshat, kam tokë në Greqi dhe kam dhe kamionin”, tha Mentori.
Gjithashtu ai shtoi: “Mos të kisha sëmundjen që kisha lindur, të isha si juve, do ndryshomnin shuëm gjëra karshi meje.
Të shajnë të ofendojnë, të bullojnë, nga mbrapa krahëve, pa e ditur se kush jam unë dhe çfarë hallesh kam unë.
Nga momenti që unë nuk të kam shtrirë dorën, për familjen po kujdesem vetë, po i rris vetë, s’ke pse dlet, s’ke pse ofendon, kur nuk m’i di hallet.
E kam vuajtur shumë gjykimin për qafën, edhe kur jam martuar me gruan. Bukuria e jashtme është gjysma e jetës së njeriut. E kam njohur gruan në fshat. Të gjithëve atyre që më kanë gjykuar i them vetëm faleminderit, për ata që e kuptojnë”.
