Mosha është thjesht një shifër për Zllatan Ibrahimoviç! Sulmuesi 41-vjeçar nuk ka të ndalur, teksa mbrëmjen e djeshme u bë lojtari më i vjetër që ka luajtur në një ndeshje kualifikuese për Kampionatin Europian.
Ibra vendosi një rekord historik kur hyri në lojë si zëvendësues në minutën e 73-të në duelin e grupeve kundër Belgjikës në Solna që përfundoi me rezultatin 0-3 në disfavor të Suedisë.
Në moshën 41-vjeç, pesë muaj e 21 ditë, ai tashmë ka kaluar ish-portierin italian Dino Xof, i cili luajti kundër Suedisë më 29 maj 1983, në moshën 41 vjeç, tre muaj e një ditë.
Ibrahimoviç fundjavën e kaluar u bë lojtari më i vjetër që ka shënuar gol në historinë e Serie A.
Në fillim të kësaj jave, ai u shpreh se dëshiron të luajë në Europianin që do të zhvillohet në Gjermani në vitin e ardhshëm, kur do të jetë 42 vjeç dhe lojtari më i vjetër që ka marrë pjesë ndonjëherë në turne.
41-year-old Zlatan Ibrahimovic comes on for Sweden and becomes the oldest men’s player to appear in a EURO qualifier 🦁 pic.twitter.com/y2Gfj7IHcx
— B/R Football (@brfootball) March 24, 2023
