Një aksident ka ndodhur në orët e para të mëngjesit në autostradën Tiranë- Durrës në afërsi të Sukthit. Dy makina janë përplasur me njëra – tjetërn dhe për pasojë janë shkaktuar dëme materiale.
Sipas të dhënave të para mendohet se shkak ka qenë shpejtësia. Nuk ka njoftime për lëndime në njerëz.
Ndërkohë nga pamjet e siguruara, në këtë aks rrugor shihen radhë të gjata të automjeteve që udhëtojnë drejt qytetit bregdetar të Durrësit.
Policia ka shkuar në vendin e ngjarjes dhe po punon për zbardhjen e saj si dhe në zhbllokimin e trafikut.
