Ilir Meta prezantoi një pjesë të programit të Partisë së Lirisë, ku në fokus ishin gratë dhe vajzat. Ai tha se duhet që të ndalohet dhuna ndaj tyre dhe propozoi disa mekanizma se si mund të ndodhë një gjë e tillë.
Meta tregoi dhe disa pika të programit, ku theksoi se do të mbështeten me pagë minimale gratë që marrin urdhër mbrojtje dhe do të ndihmohen që të integrohen në tregun e punës.
“Është e domosdoshme që në çdo qark të kemi një strehëz në nivel qarku. Po kështu shtimi i numrit të koordinatorëve kundër dhunës të cilët raportojnë për rastet e dhunës. Është shumë e rëndësishme që me mbarimin e efektit të urdhrit të mbrojtjes të mundësojnë mbështetje në masën e pagës minimale deri në momentin e punësimit pasi një grua që merr urdhër mbrojtjeje e ka ose gjashtë muaj, ose një vit, urdhrin e mbrojtjes. Synojmë të trajtohet nga bashkia kjo pagesë”, tha Meta.
