Reperi Noizy ka publikuar kopertinën e albumit të tij më të ri në ardhje “Alpha”, derisa pjesë e tij ishin disa prej artistëve më të njohur.
Pjesë e “Alpha” do të jena bashkëpunimet me artistët, përfshirë: Raf Camorën, Butën, Stine, MC Kreshën, Yll Limanin e Elvana Gjatën.
Veç se një emër duket se po mungon – e vini re? Bëhet fjalë për rep artistin tjetër nga Shqipëria, Stresin.
Ani pse një duet mes Noizyt dhe Stresit ishte kërkuar prej muajsh nga fansat e tyre, që pas rregullimit të raporteve, një i tillë s’do të jetë pjesë e “Alpha” e arsye duket të jetë pikërisht – Big Brother VIP Kosova.
“Përse nuk e bëre edhe Stresin pjesë të albumit? Mezi po e pres atë bashkëpunim!”, ka pyetur një ndjekës dhe Noizy i është përgjigjur me shaka duke thënë se “ka qenë në burg”, duke iu referuar eksperiencës disa mujore të kolegut të tij brenda BBVK-së.
Stresi për më shumë se 100 ditë ishte i mbyllur në shtëpinë e “Vëllait të Madh”, prej ku doli si fitues i çmimit 160 mijë euro.
