Policia ka arrestaur ditën e sotme një 36-vjeça, pasi iu konstatuan 30 steka me cigare të kontrabanduara, me qëllim shitjen në dyqanin e tij.
Blutë bëjnë me dije se cigarette u gjetë gjatë kontrollit në automjetin e autorit me iniciale A. Y.
Më pas uniformat blu kontrolluan dyqanin e të riut, aty ku u gjetën cigare të tjera, të cilave iu mungonte kuponi tatimor.
“Strukturat hetimore të DVP Korçë, në bashkëpunim me shërbimet e Komisariatit të Policisë Devoll, si rezultat i kontrolleve për parandalimin, evidentimin dhe goditjen e paligjshmërive në fushën e krimeve ekonomiko-financiare, kanë konstatuar një rast të kontrabandimit të cigareve, me qëllim shitjen, për të cilin u arrestua në flangracë shtetasi:
-A. Y., 36 vjeç, banues në Bilisht, Devoll.
Në Bilisht, shërbimet e Policisë kanë ndaluar për kontroll automjetin që drejtonte 36-vjeçari, ku kanë gjetur 30 steka me cigare të markave të ndryshme, të dyshuara të kontrabanduara. Në vijim, është ushtruar kontroll edhe në dyqanin e shtetasit A. Y., ku gjithashtu janë gjetur paketa të tjera me cigare, për të cilat ky shtetas nuk kishte fatura tatimore.
Stekat me cigare u sekuestruan në cilësinë e provës materiale”,- njofton policia.
Materialet procedurale i kaluan Prokurorisë pranë Gjykatës së Shkallës së Parë Korçë, për veprime të mëtejshme.
