Kryetari i Partisë Agrare Ambientaliste tha në “Zonë e Lirë” se peshën më të madhe të votave e ka PD e Berishës.
“ Unë mendoj se ka shumë deputet që janë kundër daljes së kandidatëve alternativ brenda opozitës. Edhe me dhjetë vota, që mund të marrë një kandidat i dytë, sjell humbje. Nëse grupimi vendos të mos nxjerrë kandidat, krijohet një frymë dhe është një influencë pozitive për kandidatët dhe për bazën e cila do të votojë vetëm një prej tyre dhe pikërisht ata të dalë nga primaret”, tha Duka.
Me tej Duka tha se do të fokusohemi te Këshillat Bashkiak sepse nuk kemi fuqi për kryetar.
Në Korçë, tha Duka, kandidati që kryeson listën mbështet të majtën dhe ai mund të ndihmojë kandidatin e majtë atje.
“Unë nuk ndikoj dot. Do kisha dëshirë të mbështesja kandidatët e primareve në të gjithë Shqipërinë, por s’ka shumë mundësi. Mundësia ime e madhe është në Durrës. Ndërsa në Poliçan, Korçë, nuk ndikojë dot tek këshillat. Ku unë kam mundësi do të mbështes, atje ku skam, mos mbaj shpresë tek unë. Ia kam thënë dhe Berishës këtë gjë dhe iu duk fare normale. Unë nuk kam pasur shumë miqësi me Berishën, por ai është ndryshe nga sa duket në ekran, ka një komunikim shumë të qetë dhe shumë i sjellshëm”, tha Duka.
