Mediat në Kosovë raportojnë për një ngjarje të rëndë, që ka ndodhur në fshatin Sllatinë të Fushë-Kosovës, ku një vajzë është grabitur dhe më pas goditur me makinë, nga një person që e njohu në rrjetet sociale.
Njohja online mes autorit të sulmit dhe vajzës pasoi një takim mes tyre, ku i dyshuari i ka vjedhur nga çanta një shumë prej 400 euro dhe është larguar nga vendngjarja.
Gjatë largimit me makinë, në rrethana ende të paqarta, ai ka përplasur me makinë vajzën në fjalë, duke i shkaktuar lëndime të shumta trupore.
E reja është transportuar në QKUK ku po merr kujdesin e nevojshëm mjekësor.
Ndërkohë, policia ka nisur hetimet ne lidhje me rastin dhe po vijon puna për zbardhjen e ngjarjes.
