Kryeministri Edi Rama gjatë vizitës së sotme në Angli ka dhënë një intervistë për BBC Radio.
Pavarësisht se mediat britanike kanë publikuar gjithnjë e më shumë artikujt mbi emigrimin e të rinjve shqiptarë për shkak të keqqeverijes, e ndërsa vendi është shndërruar në një skenë të teatrit politik të absurdit, duket se kryeministri nuk e ka përmbushur akoma egon e tij.
I pyetur nga prezantuesit se sa ka në plan që të qëndroj si kryeministër i vendit, Rama u shpreh se ndjehet i frymëzuar dhe nuk ka për tu ndalur.
Pyetje: Këtë shtator shënoni 10 vjet si drejtuesi i vendit tuaj, sa gjatë keni në plan të vazhdoni dhe cilat janë përparësitë e detyrës suaj?
Rama: Siç ju thashë, kam qenë shumë i frymëzuar nga laburizmi i ri. E kemi parë të funksionojë shumë mirë. Sa më shumë ndërlikohet bota, aq më shumë mendoj se përgjigjet e laburizmit të ri janë të duhurat dhe po e shohim këtë. Nga ana tjetër, gjithçka ka të bëjë me zjarrin brenda dhe për sa kohë e ndiej këtë zjarr brenda, nuk do të ndalem.
