Raporti i fundit i Eurostat tregon se qytetarët e Luksemburgut janë më të pasurit e Bashkimit Evropian, me një fuqi blerëse 2.5 herë më të lartë se mesatarja e të gjitha vendeve të tjera anëtare të BE-së.
Krahasuar me mesataren evropiane, produkti bruto për frymë është 161 për qind më i lartë në Luksemburgun e vogël. Kjo shpjegohet me faktin se pagat e shumë punëtorëve nga vendet kufitare janë përfshirë në rezultatin e Luksemburgut, sipas Eurostat.
Më pas në listën e të pasurve është Irlanda, e cila me taksimin e saj të favorshëm tërheq shumë kompani shumëkombëshe, me një produkt bruto për frymë 134 për qind më të lartë se mesatarja e BE-së.
Danimarka është e treta, e ndjekur nga Holanda, Austria dhe Belgjika.
Më të varfër janë qytetarët e Bullgarisë dhe Sllovakisë.
