Dalin detaje të reja nga operacioni i djeshëm i Policisë së Tiranës ku u arrestuan 20 persona dhe 4 të tjerë u shpallën në kërkim pasi dyshohet se shisnin drogë, kryesisht në afërsi të shkollave dhe klubeve të natës.
Nga përgjimet e zbuluar në media mes të arrestuarve, kodet që ata përdornin për kokainën ishin si “pluhur zane”, “seqe”, ‘vëllai i madh’ nëse bëhej fjalë për sasi të madhe kokaine dhe ‘vëllai i vogël’ nëse ishte sasi më e vogël, si 0.5 gram apo 1 gram kokainë.
Ndërsa për shitjen e kanabisit, anëtarët e dy grupeve përdornin kodin ‘seqe’, duke specifikuar përkatësisht edhe sesa qese shisnin. Pjesa më e madhe e kanabisit shitej te ‘Petro Nini’. Një nga të arrestuarit, Dorjano Çela ishte personi që kishte siguruar klientët në këtë gjimnaz.
Sipas burimeve, një nga vajzat e shpallura në kërkim, rezulton sipas sistemit TIMS dhe është larguar në Itali më datë 14 mars, një javë para operacionit. Shtrirja e aktivitetit të tyre ishte e ndarë në 11 zona të ndryshme duke përfshirë këtu 28 lagje. Anëtarët e grupeve ndaheshin në nën grupe të vogla me 2, 3 apo 4 anëtarë. Numri më i lartë, me 4 anëtare ishte në zonën e Bllokut, Kombinatit dhe në Yzberisht.
Ndërkohë, detaje të reja nga dosja hetimore për këto dy grupe kanë dalë sot në dritë, përfshirë edhe përgjime që hetuesit kanë kryer, duke përfshirë si blerës të kokainës dy agjentë të infiltruar, me emrat e koduar “Reno” dhe “Oni”.
Nga përgjimet arrihet të kuptohet qartë sesi shpërndarësit arrinin të “mbanin” tregun e “të bardhës” në Tiranë, teksa rezulton se janë të kudogjendur dhe asnjëherë të përtuar për “t’i shërbyer klientit”.
Në dosje tregohet një moment kur i infiltruari i policisë me emrin e koduar ‘Reno’ komunikon me trafikantët dhe u kërkon kokainë. Pasi “Reno” i bën porosinë, shpërndarësi Fabian Qoku i ankohet se i kërkon “mall” në momentin e fundit, duke ia bërë të pamundur që të sigurojë.
Një tjetër përgjim ka për protagonist një person me emrin e koduar ” Oni” i cili është po ashtu i infiltruar i policisë. Ai lejohej të blinte lëndë narkotike nga një prej të akuzuarve, më konkretisht Mahrem Tarushi.
PJESË NGA BISEDA:
Oni: 0 Remo
Mahrem Tanushi: Në këmbë erdhe amon mqafsh mu
Oni: Po ça ke bo? A dalim anei? Ca bohet si ke qenè?
Mahrem Tanushi: Hic me mirè ja ne shpi ça do bejme … (nuk kuptohet) me vdekshin robt mè
Oni: Posa do ma japesh?
Mahrem Tanushi: 55 pra, aq e jep Nori qafsha të gjithë, me vdekshin robt
Oni: Eme vari lesht, ça ke bo ti?
Mahrem Tanushi: B-Ca të bejmë
Oni: Po s’ke numër ti lale?
Mahrem Tanushi: Po mshkruaj ne facebook mo burr.
Oni: Në facebook nuk te shkruj une se e ka nusja.
Mahrem Tanushi: Po s’ka gjë pra, ik se flasim e takona.
Në dosjen hetimore të siguruar tregon një moment kur një tjetër i infiltruar i policisë me emrin e koduar ‘Reno’ komunikon me trafikantët dhe u kërkon kokainë.
Pasi Reno i bën porosinë, shpërndarësi Fabian Qoku i ankohet se i kërkon “mall” në momentin e fundit, duke ia bërë të pamundur që t’ia sigurojë.
“Në datën 27.01.2023, rreth orës 22:55, në rr. “Myslym Shyri”, Tiranë, bazuar në autorizimin për blerje të simuluar personi i autorizuar me emrin e koduar “Reno”, për blerjen e simuluar të një doze me lëndë te dyshuar narkotike të llojit kokainë, shtetasi Fabian Qoku. Pasi u bë sekuestrimi lëndës të dyshuar narkotike të llojit kokainë, u bë peshimi dhe rezultoi me peshe të përgjithshme me ambalazh 0.4 (zero katër) gram e cila më pas u fut në qesen provave me Nr.UNIK. A3005319.
Prova materiale e siguruar nga blerja e simuluar u dërgua për ekspertim kimik në Institutin e Policisë Shkencore. Veprimi i blerjes së simuluar u krye me e regjistrim video dhe audio”, thuhet në dosje.
Pjesë nga biseda:
Reno: Ça bëhet?
Fabian Qoku: Dëgjo se një më ngeli mua se i hoqa se ti të lajmëro në fund o vëlla.
Reno: E s’ke fare?
Fabian Qoku: S’kam me vete duhet të iki të marr.
Reno: Do të vish prapë?
Fabian Qoku: Okej po vij.
Një tjetër episod i shitjes së drogës në Tiranë është ai i datës 2 shkurt 2023, kur sërish “Reno” që është i infiltruari i policisë kërkon të blejë kanabis tek njëri prej të arrestuarve, Dorjano Çela.
Pjesë nga biseda:
Reno: E motrat në p** e paske mor burr, na boni me bo tatuazh me ja q motrën (një) do?
Dorjano Çela: Mall Hollande mo lale smaj gjo të keqe un mor burr.
Reno:E1 (nji) të vogël ta myllim sot vllai
Dorjano Çela: Po mor kur të doj k***
Reno: Ore kshu je gjith ditën e?
Dorjano Çela: Po po
Përmbajtja e transkriptuar e veprimit të blerjes se simuluar me date 2.2023, ora 21:10 si me poshtë vijon për interes për hetimin:
Reno: Me ke dal fiks
Dorjano Çela: He zemra ca do me thoshe
Reno: Jo mo e se ne marrim nje cik si shum kshu cdo dita
Kush janë 20 të arrestuarit që shpërndanin drogë në shkolla e klube nate në kryeqytet?
Policia e Tiranës këtë të mërkurë dërgoi pas hekurave 20 persona dhe shpalli në kërkim katër të tjerë, në kuadër të operacionit “Harta”, që çoi në goditjen e dy grupeve kriminale, të cilat shpërndanin drogë, pranë shkollave dhe në klubet e natës në kryeqytet.
Anëtarët e të dy grupeve në bashkëpunim shpërndanin lëndë narkotike të llojit kokainë, heroinë dhe kanabis, kryesisht gjatë natës.
Gjatë operacionit u sekuestruan në cilësinë e provës materiale 2 kilogramë e 120 gramë kokainë, 300 doza kanabis, 130 doza heroinë, shuma parash rreth 5 milionë lekë të vjetra, 1700 euro, 11 automjete dhe 29 aparate celulare.
TË ARRESTUARIT:
Fabian Qoku – 39 vjeç
Redi Lolaj – 22 vjeç
Eduard Hysa – 25 vjeç
Dorjano Çela – 31 vjeç
Enver Mehmeti – 60 vjeç
Fatbardh Bardhi – 37 vjeç
Martin Kuka – 35 vjeç
Marsel Gjona – 31 vjeç
Mariglen Hoxha – 39 vjeç
Muharrem Tarushi – 31 vjeç
Polikron Shabani – 40 vjeç
Erion Xhaxho – 47 vjeç
Altin Llani – 45 vjeç
Jurgen Hasamataj – 32 vjeç
A. Xh. – 51 vjeç
I. L. – 26 vjeç
M. V. – 44 vjeç
F. P. – 25 vjeç
E. K. – 35 vjeç
D. I., 23 vjeç
