Jashtë ambienteve të Kuvendit ku foli gjatë për mediat duke u ndal veçanërisht te vendimi i SPAK për të shpallur zyrtarisht person nën hetim ish-zv/kryeministrin Arben Ahmetaj, kryedemokrati Sali Berisha u ndal edhe te arrestimi i kryetarit të Bashkisë së Bulqizës, Lefter Alla.
Ish-kryeministri drejtoi gishtin nga Ministri i Drejtësisë, Ulsi Manja duke denoncuar se me urdhrin dhe firmën e tij është dërguar pas hekurave Alla, pasi rikandimi i tij në Bulqizë më 14 Maj nuk mbështetej nga PS qëndrore.
Akuza e Berishës ishte e ashpër, pasi sipas kreut të PD, Manja ka marrë urdhër nga zv/kryeministrja dhe drejtuesja politike e qakurt të Dibrës, për të arrestuar Lefter Allën, i cili akuzohet për abuzime me tenderin 3.3 miliardë lekë të “Ujësjellësit”.
“Arreston Lefterin për ti bërë qejfin Belindës, se Belinda është bërë kryeministre tani, e di gjithë Dibra. Ti ministër Drejtësie çfarë bën që firmos çdo firmë Ramës, edhe kur nuk firmos vjen u bën avokatinë këtu. Arreston Lefterin për t’i bërë qejfin Belindës, se Belinda është bërë kryeministre tani, por s’të shkojnë intrigat, intrigant. E di gjithë Dibra, absolutisht”, tha Berisha.
