Policia britanike ka vënë një 22-vjeçar shqiptar i cili akuzohet se përndiqte një vajzë 11 vjeçe të cilën e kishte parë në një park.
Mediat britanike raportojnë se shqiptari Erson Sinaj, për 4 ditë ka përndjekur minorenen duke i thënë se ishte dashuruar me të. Ai trokiti vazhdimisht në derën e banesës dhe qëndroi duke pritur jashtë dritares së dhomës së saj të gjumit, përgjatë gjithë natës.
Nëna e vajzës fillimisht kishte menduar se ai po përpiqej të vidhte shtëpinë, por më pas kuptoi se po përndiqte vajzën e saj.
Pasi u arrestua, i riu shqiptar deklaroi në polici se kishte parë një vajzë në park që i pëlqente, se e donte dhe se nëse donte ta ndiqte, askush nuk mund ta pengonte ta bënte këtë.
Sinaj kishte mbërritur së fundmi në Britaninë e Madhe dhe nuk kishte ende një strehë, por flinte në një park.
Pas disa seancave që dështuan për shkak se ai nuk kuptonte aspak anglisht, sot gjykata e ka dënuar të riun shqiptar me 8 muaj burg për përndjekje.
