Pas më shumë se tre muaj qëndrimi, reperi nga Tirana, Arkimed Lushaj, ia doli që të triumfojë duke dalë i fundit nga shtëpia e Big Brother Vip Kosova.
Stresi arriti të rrëmbejë fitoren, duke koleksionuar edhe çmimin prej 160 mijë eurosh.
Fitorja e BBVIP ka bërë që stresi të marrë mijëra mesazhe urimi, edhe nga ata që e kishin vendosur në dyshim performancën e reperit.
Mes mesazheve të panumërta, një përgëzim me domethënie të veçantë është rezervuar për reperin edhe nga kreu i Partisë Demokratike, Sali Berisha.
“Urime stres, dhe suksese gjithnjë e më të mëdha”, i shkruan ish-kryeministri, Stresit, i cili e zbuloi mesazhin e Berishës në Instastory.
Stresi ka lidhje të afërta me familjen Berisha, pasi babai i tij Sali Lushaj, ka qenë bashkëpunëtor i tij për shumë vite. Reperi gjithashtu është parë të marrë pjesë në shumë protesta të Partisë Demokratike dhe është një anëtar me teser i kësaj force politike.
