Dritan Mehmeti ka folur pas sfidës Flamurtari-Dinamo. Trajneri i bluve u shpreh i kënaqur për fitoren pavarësisht polemikave për penalltinë. Mehmeti ishte i bindur që 11-metërshi ishte i rregullt.
“Kishte presion psikologjik. Vinim nga një ndeshje jo e mirë me Apollonië. Nuk kishte shumë spektakël, kishte tension, kuptohet presioni për pikë. Falenderoj çunat. Vërtet që Flamurtari ka kualitete. Ishte ndeshje e barabartë. Këto ndeshje të tilla ndahen nga situata të veçanta.
Lojtari i Flamurtarit ka ndërhyrë te topi dhe te këmba është e saktë që është penallti. Ska pse ndërhyn mbrojtësi. Ky është mendimi im.
Në ndeshjen me Fierin më është mohuar një penallti nuk kam reaguar edhe arbitrat janë njerëz dhe marrin vendime të rëndësishme. Edhe unë pretendoj me Fierin kërkoj që më është mohuar një gol i pastër dhe më është mohuar një penallti.
E prita Flamurtarin , godita te pikat e dobëta, e kapa në kundërsulm. Flamurtari kërkoi edhe në sulmin në thellësi. Kjo është loja e futbollit. Asgjë nuk ka mbaruar. Kemi fituar një betejë. Në qoftë se mendojmë se ka mbaruar e kemi gabim. Është dinamik e madhe, është goxha presion. Ishte përballë një skuadër mjaft e mirë. Të gjtihë lojtarët ishin perfekt. Prodani bëri një ndeshje të mirë. U tregua burrë se i thashë mos merr karton dhe nuk mori.
Partizani apo Tirana? 100% ta marri Partizani shpresoj.”
