Kreu i Partisë së Lirisë, Ilir Meta, në një postim në Facebook, shprehet i bindur se duke mbështetur gratë, fuqizojmë familjen dhe rrisim fëmijë të lumtur.
Në një foto ku shfaqet krahas kryesueses së listës së PL-së të kandidatëve për këshillin bashkiak të Tiranës në zgjedhjet vendore të 14 majit, Silva Caka, Meta thotë se opozita ka detyrimin t’i përgjigjet sakrificave të grave dhe nënave shqiptare.
“Duke mbështetur gratë fuqizojmë familjen dhe rrisim fëmijë të lumtur!
Ne kemi detyrimin t’i përgjigjemi në lartësinë e duhur sakrificave të grave dhe nënave shqiptare.
Duke mbështetur gratë, ne fuqizojmë familjen, shoqërinë dhe kombin tonë.
Partia Lirisë, Bashkë Fitojmë. Në Tiranë më 14 maj, ndryshim me çdo çmim”, shkruan Meta në foto-mesazhin e postuar në Facebook.
