Karabinierët në Agnone kanë vënë në pranga një shqiptar, identiteti i të cilit nuk bëhet ende i ditur, pasi reagoi dhunshëm kur u bllokua në rrugën SS 650 “Trignina” midis Pescolanciano dhe Bagnoli del Trigno.
Nga të dhënat hetimore, të kryera nëpërmjet kryqëzimit të përpiktë të të dhënave somatike dhe gjurmëve papilare të gishtave, rezultoi se i njëjti person, me personalitete të ndryshme, ishte i ngarkuar me masën e sigurisë burg, lëshuar nga Gjykata e Santa Maria Capua Vetere, për veprën penale të vrasjes së mbetur në tentativë.
Nga urdhri i gjyqtarit rezultonte se i riu, që i përkiste një bande kriminelësh shqiptarë të përkushtuar për kryerjen e vjedhjeve dhe grabitjeve të panumërta, kishte sulmuar për qëllime të sakta vrastare një çift bashkatdhetarësh shqiptarë, burrë e grua. Dy viktimat ishin sulmuar sepse po shikonin me shqetësim disa manovra të rrezikshme që grupi po kryente me një makinë me shpejtësi të lartë përpara lokalit plot me klientë.
Personi në fjalë, tashmë i ndaluar në burgun e Isernisë në dispozicion të prokurorisë, me siguri kishte menduar se kishte shpëtuar.
Aktivitete të tjera hetimore janë duke u zhvilluar.
