Koalicioni i Sali Berishës dhe Ilir Metës nën siglën “Bashkë Fitojmë” ka ndezur motorët e fushatës për zgjedhjet lokale të 14 majit, ku takimet dhe tryezat e diskutimeve me qytetarët janë thuajse të përditshme.
Pasditen e kësaj të diele, në Tiranë, kandidati i koalicionit opozitar për kryeqytetin, Belind Këlliçi ka zhvilluar një takim me të rinjtë e LRI-së, ku ka marrë pjesë edhe kreu i Partisë së Lirisë, Ilir Meta.
Fillimisht ishte Meta që publikoi një foto në rrjetet sociale krah Këlliçit dhe Erisa Xhixhos, para nisjes së takimit.
“Me kryebashkiakun e ardhshëm, z. Belind Këlliçi dhe me deputeten më të zëshme për çështjet e rinisë, arsimimit dhe barazisë gjinore, znj. Erisa Xhixho. Midis buzëqeshjeve dhe energjisë të aktivistëve të LRI-së”, shkruante Meta në diçiturën e kësaj fotoje.
Rreth dy orë më pas edhe vetë Këlliçi postoi në rrjetin social Facebook disa imazhe nga ky takim, ku duket se ka marrë përshtypjet më pozitive, teksa shkruan: “Me aleatët cool #LRI”.
