Drejtori i Ujësjellës Kanalizime Gjirokastër, Iljaz Memushi ka dhënë dorëheqjen menjëherë pasi ditën e djeshme u shfaq duke punuar si “shërbim taksi” gjatë orarit të punës.
Në videon denoncuese të emisionit “Stop”, Iljaz Memushi gjithashtu shpertheu me ofendime kundër qeverisë Rama. Ky i fundit e ka mohuar këtë, por ka deklaruar se thjesht ka ndihmuar personin që të shkonte deri në Kakavijë. Po ashtu u hodhën akuza se Memushi ishte pa diplomë të shkollës së lartë, por ky e fundit ka bërë publike diplomen që mban.
Sipas denoncimit Drejtori Rajonal, Genti Llogo, ka punësuar kushërinjtë në sektorë kyçë. Bëhet fjalë për dy përgjegjës dhe një sekretare. Anxhela, sekretarja, thuhet se është kushërira e dytë. Mariola, shefja e Burimeve Njerëzore është vajza e hallës. Klaudio, djali i tezes.
Një pjesë e bisedës mes Iljaz Memushi dhe qytetarit, Drejtori i Ujësjellës Kanalizime shpërthen me ofendime kundër qeverisë Rama:
Qytetari – Po Gjirokastra ka vetëm ujësjellësin e vet, apo përmbledh?
Drejtori – Tani është bërë rajonal, përmbledh të gjitha nga Kakavija deri në Memaliaj.
Qytetari – Po pse i kanë bërë kshu?
Drejtori – E bëri qeveria ja q… r..bt! I zuri për vete të tëra. Ka dhe kshu, siç kanë qenë domethënë ndërmarrjet, siç kanë qenë thjesht i menaxhon qendra.
Qytetari – Po pse i kanë mbledh në një dorë?
Drejtori – Epo duan lekun a derëbardhë! Nuk e shikon, se ç’bëhet? O Blerta! Në ça emri, se s’më del mua aty?
