Një makinë është përfshirë nga flakët pak minuta më parë, në aksin mes Urës së Goricës dhe Urës së Varur në Berat.
Forca të shumta zjarrfikësish kanë mbërritur në vendngjarje dhe është bërë e mundur nxjerrja pa lëndime nga mjeti e drejtuesit të tij, që ishte i vetëm në makinë në momentin e zjarrit.
Disa minuta më vonë janë lokalizuar flakët dhe është shuar zjarri, ndërkohë që qarkullimi në këtë zonë është paralizuar deri në shuarjen e plotë të flakëve të zjarrit në mjet.
Burime nga Reparti i Shpëtimit nga Zjarri Berat pohojnë se po punohet për zbulimin e shkaqeve të zjarrit të papritur në mjetin tip Volsëagen, që paraprakisht dyshohet se ka ndodhur për shkak të një defekti elektrik.
