Kryeministri Edi Rama i ka propozuar kreu të shtetit emrin e ri për drejtimin e Shërbimit Informativ të Shtetit. Lajmi u bë i ditur nga vetë Rama, ndërsa emri, të cilin Begaj e ka në tavolinë për kreun e SHISH është Vlora Hyseni.
Ai thotë se eksperienca e krijuar ndër vite e Hysneit gëzon mbështetjen e komunitetit ndërkombëtar të Inteligjencës, dhe këto tregues shton Rama përbejnë një garanci për reformimin e mëtejshme të SHISH.
“Sot i paraqita Presidentit të Republikës propozimin për emërimin e Znj.VLORA HYSENI drejtore e Shërbimit Informativ Kombëtar, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar”, shkruan Rama.
Kamerat e kanë fiksuar disa herë presidentin Bajram Begaj në pozicione denigruese përballë kryeministrit Edi Rama. Por këtë herë ishte vetë kryeministri që postoi një foto denigruese të Begajt (i perkulur) perballë Edi Ramës.
