Një 54 vjeçar punonjës i Sektorit të Ndriçimit në Bashkinë Shkodër ka humbur jetën këtë të enjte.
Mësohet se ai ishte duke punuar për riparimin e ndriçuesve të rrugës në lagjen “10 Korriku”.
Gjatë punës ai ka rënë në kontakt me rrymën elektrike dhe për pasojë ka humbur jetën
“Rreth orës 10:05, shtetasi Sh. D., 54 vjeç, banues në lagjen “Qemal Stafa”, punonjës i Sektorit të Ndriçimit në Bashkinë Shkodër, gjatë kohës që ka qenë duke punuar për riparimin e ndriçuesve të rrugës, në lagjen “10 Korriku”, Shkodër, ka rënë në kontakt me rrymën elektrike dhe për pasojë ka humbur jetën”, njofton policia.
Grupi hetimor vijon veprimet për sqarimin e rrethanave të këtij rasti.
