Babai i ish-ministrit të Brendshëm, Saimir Tahiri, është darë nga jeta ditën e sotme.
Ish-ministri i brendshëm ndodhet aktualisht në burg, ndërsa lajmin e kanë dhënë familjarët në një postim në faqen e tij zyrtare në fb.
Në postim është publikuar edhe letra e Tahirit për të atin që e ka shkruar nga burgu.
Mësohet se, Bashkim Tahiri, vuante prej vitesh nga leuçemia dhe vitet e fundit sëmundja i ishte përkeqësuar.
Ndërkohë, mësohet se ish-ministri do të dalë nesër disa orë në liri për t’i dhënë lamtumirën e fundit babait të tij, Bashkim Tahiri.
Efektivë nga drejtoria e Përgjithshme e Burgjeve do ta shoqërojë atë në ceremoninë e varrimit.
POSTIMI I PLOTË:
O Ba, si nuk më prite?
Me sa nxitim e more këtë rrugën e fundit dreqin.
Të ndritë shpirti atje lart!
Mua me bëre dhuratën më të madhe ndonjëherë, më bëre burrë.
Dhe rri i qetë andej, mos u mërzit më. Qesh e gëzohu siç bëje këtu me ne.
Sa here bëhesha gati po nuk ta thoja dot se më vinte zor, por ja po ta them tani që nuk më degjon më:
Të dua shume Ba!
Të duam të gjithë shumë shoku Bashkim.
Përgjithmonë!
